हामार बंजारा गुरूप नाम- माटी मारतीया रामचंदीयी भुकीया

==

🔸 गरूप नाम 🔸

१ ) दाददादा = दादी + दादा.

नातेती को भायी मोसरेती, जेन जेन दादी आन दादा काछा, वो से दादी दादान संबोधेसारू ‘ दाददादा ‘ काछा.
जसो- ये मार दाददादा छ.

२ ) नाननाना = नानी + नाना.

नातेती को भायी मोसरेती, जेन जेन नानी आन नाना काछा, वो से नानी नानान संबोधेसारू ‘ नाननाना ‘ काछा.
जसो- मार नाननानार  वतं गोतो.

३ ) काककाका = काकी + काका.

नातेती को भायी मोसरेती, जेन जेन काकी आन काका काछा, वो से काकी काकान संबोधेसारू ‘ काककाका ‘ काछा.

४ ) माममामा = मामी + मामा.

नातेती को भायी मोसरेती, जेन जेन मामी आन मामा काछा, वो से मामी मामान संबोधेसारू ‘ माममामा ‘ काछा.

५ ) फूपफूपा = फूपी + फूपा.

नातेती को भायी मोसरेती, जेन जेन फूपी आन फूपा काछा, वो से फूपी फूपान संबोधेसारू ‘ फूपफूपा ‘ काछा.

६ ) मासमासा = मासी + मासा.

नातेती को भायी मोसरेती, जेन जेन मासी आन मासा काछा, वो से मासी मासान संबोधेसारू ‘ मासमासा ‘ काछा.

७ ) भायीभोजायी = भायी + भोजायी.

नातेती को भायी मोसरेती, जेन जेन भायी आन भोजायी काछा, वो से भायी भोजायीन संबोधेसारू ‘ भायीभोजायी ‘ काछा.

८ ) भेनभेनोयी = भेन + भेनोयी.

नातेती को भायी मोसरेती, जेन जेन भेन आन भेनोयी काछा, वो से भेन भेनोयीन संबोधेसारू ‘ भेनभेनोयी ‘ काछा.

९ ) नायेका = येकेती जापा नायेकेन संबोधेसारू ‘ नायेका ‘ काछा.

जसो – बना दांढीरो लींबू कूणसो हो नायेका ?

१० ) नायेकणे = येकेती जापा नायेकणेन संबोधेसारू ‘ नायेकणे ‘ काछा.

===

-मारतीया रामचंधीया भूकीया

Mr. Gajanan D Rathod
Chief Editor – Banjara online news portal
website- www.goarbanjara.com
9619401377