मनंच नेता को (बंजारा कवीता) कवी: निरंजन मुड

मनंच नेता को (बंजारा कवीता) कवी: निरंजन मुड

*मनंच नेता को.*

*निरंजन मुडे*
दि.२१/३/२०१८

*कोयी सोबत रो चाय मत रो*
*पळन मनंच नेता को….*

म केरी सांबळेंवाळो छेनी
म लूनी समजन केनी
म केनीच मानपान दूनी
म मनेरो मालक छूनी
*जेनं कायी वाटंच वाटे दो*
*पळन मनंच नेता को….|१|*

म कींव जकोनच वेयीचाय खरो
म कायीच करूनी से तमच करो
सेरे आंग नाम रेयीचाय मारो
भलेयी तम काम करन मरो
*जे जारेच जेन जाय दो*
*पळन मनंच नेता को…|२|*

करचं जेन करे देयेसंनी
सोता पूढाकार लेयेसंनी
बलावं वोत तू आयेसंनी
केरी लारं लारं जायेसंनी
*भूके छं जेनं भूकेच रेय दो*
*पळन मनंच नेता को…..|३|*

तार म” पणेंती से दूर वेरे
तोनं सेचं आचोबला केरे
आरे जको बी घर जान सोरे
कटाळगे से वागणूकीती तारे
*संघटना फक्त कागदेपरच रेय दो*
*पळन मनंच नेता को…..|४|*

© *कवी.*
*निरंजन मुडे.*
*नेरूळ नवी मुंबई.*
९०८२१९९८६७

प्रमुख प्रतिनिधी: रविराज एस. पवार 8976305533

Leave a Reply