भायार बोल खरो करिया!!!

जय सेवालाल..गोर माटी भाईयो उठो अन् जागो..दुनिया आंग चलेगी.
आपणेन भी जायर छं | समाजेर अस्तीत्व बणायर छ | संत  सेवालाल बोल घडायर छं | गोरून केशुला नई मोरायर छं | मुओमलक पुणा सरजित करेर छं | विचार करा अन् समाजेती जुडा व समाजेन जोडा..भाईयों २७५ वर्ष वेगे आपणे संस्थापकेन जान.आबेलगा समाजेम परिवर्तन घडो कोनी छं | आबेलगा सेवालाल बापुर शब्देर विचार कोनी किदे.वोर बद्दल खुप विचार करणो लागिये.का कतो बाकी समाजेर लोक वोंदेर संत व बुद्धीजिवी माणसेर विचार करन समाजेन जोडन साकळी बणालिदे पण.आपणो समाज सेवालाल बापुर शब्देर विचार आबेलगा किदो कोनी छ | आपणे समाजेर कडीन कडीन जोडन खुप मोठ साकळी बणायेर काम गोर बंजारा संघर्ष समिती भारत कररीच येंदुर सोबत जुडन समाजेर इतिहास बणायर कामेन साथ दो.समाज केरी एकलेर छेनी | से भाईरो छ | नांक्या,मोठो,गरीब श्रीमंत,प्रत्येक वर्गेर भाईरो छं.ये कामेम राजकारण मत करो..इ समिती हनेशा राजकारण मुक्त रेण कार्य करेवाळ छ | आयवाळी १७ फेब्रुवारी २०१५ येदन संत सेवालाल महाराज येंदुर २७६ वी  जयंती ठाणेमाई  शिवाजी मैदान येत खुप दिमाकदार पणेती साजरी करेर छं | तरी समाजेर प्रत्येक गोर भाईन आमंञण देरेचा.कोई रिस लोभ न करता समाजेर कार्यक्रमेन हजर रेणो ईच गोर बंजारा संघर्ष समितीर प्रत्येक स्वयंसेवकेर आपेक्षा छं | गोर बंजारा संघर्ष समितीर इ पहिलो वर्ष समाजेर कामेर छ वोरे सोबत भायार जयंतीर कार्यक्रम भी पहिलो वर्ष छं | आयेवाळे प्रत्येक दनेन बंजारा समाजेर गोर गरीब भाईर प्रत्येक संसारेम(घरेम) खुशी रिये वोदन आपणो बंजारा समाज खरो खर  केशुला नई मोरीय भाईयों खुप काई विचार छ | समाजेर बद्दल, दन पुरेनी जर समाज जुडतो चालो तो प्रत्येक भाई विचार बद्दलीयं अन् समाजेर प्रगती विय..वो वेळेन समाज केशुला नई मोरीयं..!! “जुडो अन् जोडो” अभियानेम सामिल हो.व समाजेर अस्तीत्व बणायर कामेन साथ दो.गोर बंजारा संघर्ष समितीर एकच काम छ | निस्वार्थ पणेती समाजेन जोडेरो अन् गोर गरीबेन खरो न्याय, व गरीबेर बालबच्यान आचो शिक्षण मळान देयेरो..तो आवो सोबत भळन समाजेर विचार करा..!!
सेवालाल बापु सेन साई वेस..!!
जय सेवालाल..👏..!!
-: आयोजक :-
आपणो समाज भाई.
गोर रविराज टी.राठोड
संयोजक गोर बंजारा संघर्ष समिती भारत,
सौजन्य:-गोर कैलास डी.राठोड
स्वयंसेवक गोर बंजारा संघर्ष समिती भारत,
मो.९८१९९७३४७७

image

Leave a Reply