“बार कोसेपर दिवो बळीय”

“बार कोसेपर दिवो बळीय”

संत सेवालाल महाराज बंजारा समाजेरो धर्मगुरू खरो समाज सेवक वेन चलेगे वौंदेर बोल आज खरे वेरेच। वोंदेर प्रत्येक बोल खरे वेरेच।अन् आपणे समाजेर बुद्धिजीवी भाईन विचार करन समीजेर नविन पिढी समोर समाज प्रबोधन करणो लागिय। तांडाम रेयेवाळो बंजारा समाज हली शहरैम स्थलांतर वेगो.समाजेर बाई बापडीर पोशाख बदलगे,माणसेर पोशाख बद्दलगे,बोली भाषा बदलेलाग,भाईन भाई कोनी ओळखरे,भाई भाईम दुश्मनी बडगी,तो समाजेर अस्तीत्व कु टीकन रिये.नविन पिढीन समाजेर बोली छोडन कोरेर बोली शिकायेलाग,समाजेर कु भलो विय.खरोखर हाम फक्त पिसालार धासरेचा,पिसा कमान कुण मोठो कुण नांक्या येर बद्दल विचार कररेचा,पण पिसा केरी सोबत जायनी इ वात ध्यानेम रकाडन समाजेर विचार करा.आज वेळ काडन समाजेर गोर गरीब जेन समाजेर माहितीच छेनी वोंदेन समजांणो खुप गरजेर छ। समाजेम स्वार्थ करेर छेनी.आजेलगा जे समाज लार छ उ आपणे स्वार्थेर येती लार छ।इ वात भी भुलेर छेनी.समाजेर नवीन बालबच्यान आपणे समाजेर संस्कृती पूर्ण रूपेती मालम पडेन चावच.आसे प्रकारेर मार्गदर्शन करा.संत सेवालाल महाराज यैंदुर प्रत्येक बोल खरे वेरेच।इ ध्यानेम लेन समाजेर विचार करा.आजेर घडीन खरो खर बार कोसेपर दिवो बळरोच.इ वात भी भुलन चालेर छेनी….जुडो अन् जोडो..
जय सेवालाल…
गोर कैलास डी.राठोड
स्वयंसेवक गोर बंजारा संघर्ष समिती भारत,

Kailash D Rathod