बंजारों में नये वर्ष की शुरुवात कहा से हुई – Martiya Ramchandiya Bhukiya

Martiya Ramchand bhukiya

चैत्र पाडवाती मराठीरो नवो साल ( गुडी पाडवा ) रछं. येरो कारण मन केतू आव कोनी.
१ जानेवारीती आंघरेजीरो नवो साल रछं. येरो भी कारण केतू आव कोनी.

पणन दांढी ( हेंढगी ) पूनमेती होळी पूनमेतोणी फाग मीना रछं. नीसरग नीयम दीटे तो ये मीनाती वाळ, पाणी, झाड, जीतरप, जणगाणी, सेवा, जेतार फागं छ. कतो, पाणी फागेन चालू वछं, वाळ फाग जावं वछं, झाडेर छाळढी नीकळेन सरू वछं. जीतरपे परेर करपटा झडेन चालू वछं. जणगाणी, सेवा, जेतार खाळढी परेर मेल नीकळेन चालू वछं.

होळी पूनमेर दूसरे दाड रामपोरेम ( पेले पोरेम ) होळी बाळा छा कतो होळी चेतावां छा आन दांढो काड लाछा करन दांढो काडेर टेमेती चेत मीना चालू वेजावं छ.
चेत कतो चैञ कोनी. चैञेरो आरत केतू आवं कोनी. पणन चेत कतो चेतेन चालू वेगो.

आसे कारण दांढो काडेर वेळाती नवो साल चालू वेगो केणू. यी नीसरगेरो नीयम छ आन नीसरग नेमे परमाण नवो साल मनाणू. आतराज मारो केणो छ.

 

-Martiya Ramchandiya Bhukiya

-मारतीया रामचंधीया भूकीया

Tag: Banjara New Year