*जाणजो छाणजो पछच माणजो*

दोस्तों गोर बंजारा संघर्ष समिती (भारत) निस्वार्थ भावना ती समाजेन जोडेर कार्य कररी छ अन समाजेर हर समस्या दुर करे सारू जागो जागी शाखा र स्थापना करेर सुरूवात व्हेगी छ मार से भाईन विनंती छ की आब तरी जागो अन समाजेर कामेन लागो!!! “जुडो समाजेन अन जोडो समाजेन”
गोर बंजारा संघर्ष समिती (भारत) येर माई जर जुडेर व्हिय तो निस्वार्थ अन राजनित मुक्त रेन जो भी आय वनूर स्वागत छ अन
समाजेन जर अंग लायेर व्हिय तो फक्त
सेवालाल बापूर
एक पारा ध्याने माई लेन जुडो…
जाणजो
छाणजो
पछच
माणजो!!!
कारण आजे लगा गोर बंजारा समाज भोळे पणे माई रेन ताणी अन स्वार्थी लोकु पर विश्वास रकाडन लार रेगो…
ये वातेर जास्तीत जास्त दु:ख छ पण ये सारी वातेर विचार करन निस्वार्थ भावना ती समाजेन न्याय मळान देये सारु काम करणु ई एक आपणे सारू खुब मोठे भाग्ये र वात छ…
अणि मनक्या जन्म मळो च वोरो काई तरी विचार करा अन दुनिया र तो छोडो माञ समाजे र तरी काम करा…
गोर बंजारा संघर्ष समिती (भारत) ये समिति माई समाजे विषयी सेनच विचार व्यक्त करेर हक्क छ अन आबे लगा ये समितीर फक्त शाखा जागो जागी बणायेर सुरूवात हेगी छ…
अणि मन खुशी छ कि ये समिती माई जे भी स्वंयसेवक आजे लगा निस्वार्थ पणे ती जुडन काम कररे च वो फक्त समाजेर एकता सारू काम कररे च…
अन गोर बंजारा संघर्ष समिती (भारत) समाजेर हर समस्या, विषय लेन कार्य कररी छ… अणि कुणसी पदेर लालच देन जोडन गर्दी करे पेक्षा विचारवंत, बुध्दीजीवी, निस्वार्थ भावना र लोकून सोबते माई लेन समाजिक कार्य करिय…
अन सेवालाल बापूर एक पारा “कर्म करते रो फळेर अपेक्षा मत करो कारण जे तमारो छ ऊ कोई खोस सकेनी येरो विचार करन कार्य करो”
जते लगा समाजेर संस्कृती, अस्तित्व बणेनी वोते लगा आपण किमत शुन्य (झिरो) छ… जर आपणेन समाजेर सुद वाटे पर वायेर व्हिय तो सुरूवात स्वःता कनेती करो…
जय सेवालाल जय गोर जय बंजारा
धन्यवाद 👆👆👆
🙏🙏🙏

एक गोर हितचिंतक
गोर गजानन डी राठोड
स्वंयसेवक
गोर बंजारा संघर्ष समिती (भारत)
सावरगांव बंगला
ता.पुसद जि.यवतमाळ
9619401377

Leave a Reply