“गोर माटी कवितार माध्यमेती लोक नेता सुधाकरराव नाईक येंदुन श्रद्धांजली”

——— सुधा——–  
तु आज चायवाळ रस…..

सिमेर परं विठोबा……!
कुंण जावं आतरी दुर…
गाडीलारं नळीया,
पायो पंढरपुर !!

फुकट मळतो तो से,
हर रेल चालं,
वोतेताणी खावचं !
आदत पडगी हामेनं कीसे आयतोच मळजावचं!!

केयेनज हाम शुर छा,
मुंडेमायीच जोर छ.!
यी वोळक मेलेच वो,
करनचं बिनघोर छ.!!

होळी आयेनी बुंबडी मारेती, !
हामारो लोयी कना सळसळिये, !
पायी जोडेन हातेम हात
रेणो, यी गोरूनं
कना कळिये? !!

फाटाफुट, रानोमाळ, सेरं,
धासाधासी !
हानुती हाम, एक, वेजॉंयॉं,
सासी!! ?
से आयतो देगो वसंतराव, !
समाळतु कोनी आरो,!
तु चायेवाळ सर सुधा.
घणोआधार वेतोतो तारो,!!

बदलोहुवो काळ देकनं , मनेम आवचं !!
गोरून आजी एकवणा,
सुधाकरच ,चावचं !! सुधाकरचं चावचं !!!!!!!.
   लेखक: श्रीकांत पवार मुंबई,

सौजन्य: गोर कैलास डी राठोड
ऐडीटर बंजारा आँनलाईन न्युज पोर्टल
websites:www.goarbanjara.com

image

Posted from WordPress for Android

Leave a Reply