गोर बोध – ‘गोर बंजारा समाजेर प्रबोधनात्मक, सांस्कृतिक कारेकरम’

GORBODH, a Cultural event for Family get togetherness on the eve of HOLI..

TO PROMOTE EDUCATION & CAREER TRAINING

Date: 01/03/15(Sunday)
On TIME: 10 am onwards

VENUE : CIDCO Exhibition Complex (auditorium), Vashi Railway Station

Seat Reservation:
8976045581
9820121139

Gor Banjara Samaj, Navi Mumbai

 संकल्पना : समाजेन ‘एकसंग’ रकाडेन सांस्कृतिक विरासतेर मोठो योगदान छ वोन आपण भुलागेचा- भुलारेचा, सोतार वळक पचांण भुलायवाळ समाज सदा भमळातोच रच. ‘कोरुरी’ बोली अन धाटीर अनुकरण कमी करेवास ‘गोरुर’ आछे रितीरिवाज कायम रकाडणो यी काळेर गरज छ. राजनैतिक व्यवस्था माईती निर्माण हुयी संघटनावुंरी सांस्कृतिक आस्थार मर्यादा अन् शहरीकरणेती बदली हुयी समाज व्यवस्थाती गोर संस्कृति आज नामशेष वेरिच. ‘आपणी बाणी अन् आपणी धाटी जिती रकाडणो, प्रबोधन माईती अस्मिता जगाणो गरजेर छ.’ आपण सोतार ओळख ‘गोर’ करनच दाचा, अन जे गोर कोणी वो सारीन ‘कोर’ काचा, कारण आपणी बोलीभाषा, वेश अन केशभूषा, खान-पान संस्कृती, न्यायदान पद्धती अन चालचलण कोरुती अलग छ. गोर यी स्वयंपूर्ण समाज व्यवस्था छ, आसी प्रबळ समाज व्यवस्थार वैभवशाली परंपरार संकलन करन, वोर वेबसाईट, फेसबुक अन् यु टयुबेर माध्यमेती प्रसारण करणो, समाज भावनां जागाणो यी संकल्पना छ.Gor Banjara Samaj, Navi Mumbai

उद्देश : समाजेर प्रगती चार मुख्य धारा माईतीच व्हच वुजको शैक्षणिक, आर्थिक, सांस्कृतिक अन राजकिय माध्यम छ. राजकिय आस्था रकाडेवाळ बहुतांश सारीच छ. फक्त राजकीय आस्था रकाडन समाजेन फायदो मळो हानु दकायनी. सामाजिक संघटनार माध्यमेती राजकारणच व्हेतांना दकारोच, समाजेर प्रगंतीर चारी धारा एकमेकेन पुरक रकाडणु अन विशेषतः गोरबोधेर माध्यमेती शैक्षणिक गुणवत्ता सुधार तथा आर्थिक स्वालंबनेर कारेकरमेन हातभार लगाणु, समाज भावना जगाणू अन हरेक बाई-माटीर सहभाग लेणू यी उद्देश छ, सामुदायिक जबाबदारीर रित आपणे पुरखा ‘भागा पद्धती’ माईती शिकागेच येर जाण रकाडणू अन् हरेक बाई-माटी कारेकरमेन सहभाग देणु.
image

सन्मान : गोरुरी एकमेकेन सन्मान देयेरी रित अलग छ, वो सखसला (कसळात) पगेपगेम बोलते आय छ. ये कारेकरमेमाईती वोरो चलण चलायेर छ. आपणे समाजेन कोर समाजेती सन्मान मळेसारु काई करणो पडीय येर भी विचार करणु गरजेर छ. नुसतो मांगेती मळेनी, हाम कतराख साल मांगेवाळ छा. ताकदबर नुसते हुकार भी भरे तो वोन आपकच मळच. समाजकारण यी ‘सोता करेरी’ वात छ. आपणे समाजेर बलस्थान ओळखन वोन बळ मळेवास चालना देणो पडीय. शिक्षण अन बांधकाम क्षेत्रेर माध्यमेती समाज बलस्थानेम जा सकच, समाजेर सन्मान बढ सकच.
image

आयोजन : ‘गोर संस्कृती’ यी होळी पर्वेम रंगेम आयी छ, केसुलावानी फुली छ, वोन मान देयेसारु ‘गोरबोध’ ये कारेकरमेर आयोजन यी महा (माघ) पूनमेंन दांडो गड्च वो दनेती तो फागण (फाल्गुन) पूनमेर होळी, ये एक मिनाम् करणो गरजेर छ. सांस्कृतिक वारसा टकान वोर प्रसार करेसारु ‘गोरबोध’ कारेक्रमेर आयोजन इतर ठकाणेंम करणू भी गरजेर छ.
image

रुपरेखा : * विद्यार्थीर सहभाग अन कलापथक- पथनाटयेर माध्यमेती व्यसनमुक्ति, हुंडाप्रथा, अंधश्रद्धा निर्मुलन व समाजेर इतर समस्या ध्यानेम लेताणी जागृती फेलणो. * सखसला री मालुमात देन, गोरगणेर पचारन स्वागत करणो. * गोरबोलीम लखेवाळ लेखकेर पुस्तक प्रकाशनेवास ‘गोरमंच’ उपलब्ध करणो. * गोरबोलीर गरज तथा वेश अन केशभुषा, चालचलण तथा उपयुक्त विषयेप प्रबोधनात्मक व्याख्यान देणो. * आपणी सांस्कृतिक विरासतेर जागर करतांणीन, कला, गायन अन् नृत्येर माध्यमेती गोरगणेम ‘समाजभावना’ बढाणू.

मिलिंद जयसिंग पवार,
नवी मुंबई मो. 9867181555

Leave a Reply