गोर बंजारा संघर्ष समितीर ३ मिनार अहवाल

गोर बंजारा संघर्ष समिती स्थापना करन ३
मिना वेगे,..
वो ३ मिनार अहवाल तमार समोर सादर करूचु….इ
अहवाल मार से गोर बंजार भाईयो अहवाल मन
लगान वाचो अन् दुसरेन वाचन द्काळो,इ विनंती..
१ जुन२०१४:- समितीर पैल बैठक ठाणेन लेन से
बंजारा भाईन मॉसेजेर प्रती अमंञित किदे, व
बैठकेर माध्यमेती सारी भाई एक मेकेर औळख
किदे,वोर बाद जुन २०१४ वोच मिना माई ३ बैठक
लेन समाजेर बुद्धीजिवी लोकुन बलान समाज
हितेम निस्वार्थ पणेती काम करेवाळे लोकुन
जोडेरो अभियान चलायसारू चर्चा किदे,
जो लोक समाजेर हितेम निस्वार्थ
पणेती तन,मन,धन, अन्
वेळ देन काम करेवाळेन साथेम लेन समाजेती,
जोडो अन् जुडो, अभियान चालु किदे.वोर बाद
समाजेर गोर गरीबेर समस्या दुर करेसारू काई
करणो लागिय येरो विचार करन आंग चालते रे,
समाजेर प्रमुख समस्या दुर करे वास, सरकारेन
निवेदन पञ देयेर बद्दल निर्णय लेयेम आयो,
१ जुलै २०१४ :- हरीत
क्रांतीरो प्रणेता बंजारा नायक
स्व.वसंतरावजी नाईक येंदुर जयंतीर कार्यक्रमेम
भाग लेन बंजारा समाजेर मंञी आमदार
श्री मनोहरराव नाईक, राजु नाईक,अन् समाजेर
काई लोकुन आमंञित करन चर्चा किदे,
६ जुलै२०१४:-ठाणे गोर बंजारा संघर्ष समितीर
निस्वार्थी कार्यकर्ता स्व.नामदेव कनिराम
राठोड येंदुुर आपघाती निधंन वेगो, वोंदेर
श्रद्धांजलीर कार्यक्रम लेन वोंदेर परीवारेन काई
समाज सेवी वडीती मदत करेर प्रयास किदे, वोर
बाद म्हणजे ६ जुलै २०१४ वसई जि.ठाणे येथेर
बंजारा समाजेर कार्यक्रमेम भाग लेन गरीबेर
अडी अडचन दुर करेवास,समाजेर नेता लोकुन निवेदन
किदे,
१३ जुलै २०१४ ठाणेन बैठक लेन गोर बंजारा संघर्ष
समितीन जुडन समाजेन जोडेर बद्दल संपुर्ण
बंजारा समाजेर बांधवेन संयोजक श्री रविराज
राठोड मार्गदर्शन दिने,बंजारा समाजेर भाई
समाजेन जोडेरो काम निस्वार्थ
पणेती करो,स्वता जुडो अन् समाजेन जोडो,
२० जुलै २०१४ :-मानपाडा ठाणे येथे बैठक लेन
समाजेर अनेक लोकुर विचार लेन समाजेर गरीब व
मध्यम वर्गीय लोकुर समस्या दुर करेवास सरकारेन
पञ देयेर छ करण निर्णय लिदे,
२७ जुलै २०१४:-ठाणे शासकिय विश्राम गृह येथे
बैठक लेन समाजेर चार प्रमुख अडचन,
१) क्रिमिलियर ऑक्ट रद्द करणे २) जातेर
दाखला वास १९६१ पहिलेर जे लागेवाळ पेपर छ
वो रद्द करन चालु घडामोडी माईती लेयन चावच,
३) बाधकाम व्यावसाय माईर बंजारा समाजेर लेबर
लोकुन काईतरी निधी मळेन चावच करन
किंवा वोंदेन लेबरेर औळख पञ वगैरे देयेन चावच,
४) परप्रांतेर बंजारा समाज १५ ते २० वर्षेती आत
रेयेवाळो..वोंदेन मुंबईन जातेर दाखला देयेन चावच
करन,
३० जुलै २०१४:- मुंबई मंञ्यालये जान मुख्यमंञी,उप-मु
ख्यमंञी,सामाजीक न्याय मंञी, व चार प्रमुख
पार्टी कॉंग्रेस, राष्ट्रवादी कॉंग्रेस,भाजप,
शिवसेना, येंदुर प्रमुख लोकुन भेटन निवेदन दिने,
१० ऑगष्ट २०१४:- ठाणे रेस्ट हाऊस येथे बैठक
बंजारा समाजेर ऑटो रिक्षा चालक मालक
संघटना बणायर व गोर बंजारा संघर्ष
समिती चालक मालक संघ स्थापना करेवासु
चर्चा…किदे,
अन् सेवालाल माहाराजेर फोटो नाकन स्टीकर
बणान…
१५ ऑगष्ट २०१४ रोजी रेस्ट हाऊस ठाणे येथे
बंजारा समाजेर ऑटो रिक्षा चालक मालक संघ
स्थापना करन सेवालाल महाराजेर स्टीकर १०० ते
२०० रीक्षान लगाये,
१६ऑगष्ट २०१४ पुरे देशेमाईर बंजारा समाजेर आयजे
नेता लोकुती हॉटेल न्युझिलड गोरेगांव मुंबईन भेटे व
समाजेन जोडेर बद्दल चर्चा किदे,
१६ ऑगष्ट २०१४ सांजवेळा कुलाबा येथेर
कार्यक्रता बरोबर बैठक लेन मच्छी कामगारेर
समस्या काई छ वो समजन लेन वोंदेन निर्णय दिने,
१६ ऑगष्ट २०१४:-कल्याण येथेर बंजारा समाजेर
पंरपरागत तिज त्यौव्हार कार्यक्रमेम भाग लेन
समाजेर लोकुन एक जाग लान समाजेर
प्रती निष्टा रकाडन समाजेन जोडेर काम करे
बद्दल प्रोहत्सान दिने,…..
२४ऑगष्ट२०१४.. लोकमान्य नगर ठाणे गोर
बंजारा संघर्ष समिती ऑटो रिक्षा चालक मालक
संघ ५० ते १०० ऑटो रिक्षा स्टीकर वाटप…व तिज
त्यौव्हार समाजेर कार्येक्रमेम भागलेन समाजेन
जास्तीत जास्त जुडो अन् जोडो येर बद्दल
प्रोहत्सान श्री रविराज राठोड ये दिने,
२७ ऑगष्ट २०१४:- सामाजीक न्याय
मंञी वडीती बलाणो आयो बैठकेम भाग लेयेवास,
समाजेर प्रमुख मागणी पुर्ण करे बद्दल
चर्चा किदे….
३१ ऑगष्ट २०१४ बंजारा समाजेर सारे देशेमाईर
लोकुन जोडेर माध्यमेती गोर बंजारा संघर्ष
समिती व सेवालाल फांऊडेशन संयुक्त अभियान
गोर बंजारा संघर्ष समिती स्वय सेवक श्री गोविद
राठोड निर्मीत बंजारा समाजेर पहिलो मोबाईल
ऑप लॉंच किदे..आसे ताराती गोर बंजारा संघर्ष
समितीर अहवाल छं…भाईयो इ गोर बंजारा संघर्ष
समिती भारतेमाईर से बंजारा समाजेर
छ…जुडो अन् जोडो…स्वतार अस्तीत्व बणावों….
जय गोर जय सेवालाल….
गोर बंजारा संघर्ष समिती संयोजक श्री रविराज
टी.राठोड
संपादक राज बंजारा हिंदी साप्ताहिक भायंदर
मुंबई..
सौजन्य:- कैलास डी.राठोड
निस्वार्थी स्वय सेवक
गोर बंजारा संघर्ष समिती भारत..

Leave a Reply